1Lagu paranti jarah. Jalma anu percaya ka PANGERAN saibarat Gunung Sion, moal inggeung, moal ngeser.
2Sakumaha gunung-gunung ngalingkung Yerusalem, kitu keneh PANGERAN ngalingkungan umat-Na, ayeuna jeung salalanggengna.
3Moal salawasna anu jahat disina terus kawasa di nagri jalma-jalma balener, sabab lamun kitu, anu balener oge bisa kabawakeun jahat.
4Nun PANGERAN, mugi maparin kasaean ka jalmi anu sae, sareng ka anu ngesto kana parentah Gusti.
5Nanging upami Gusti ngahukum nu jahat, anu ingkar tina jalan Gusti oge kedah dihukum. Mugia Israil aman santosa.