Dual PanelPardangolan binahen ni dosa dohot nalom ni roha mangkirim hasesaanna 1-8
1Ende hananangkok. Sian pardangolan angka na bagas i do ahu joujou tu Ho, ale Jahowa!
2Ale Tuhan, sai tangihon ma soarangki, sai patinggil ma pinggolmu tumangi soara ni anggukkon!
3Molo tung manjujur Ho, ale Jahowa, di angka dosa, tung ise ma manahan jongjong, ale Tuhan?
4Alai tahe marroha pamuation do Ho, asa dihabiari halak Ho.
5Huhalungunhon do Jahowa, malungun do tondingku, jala huparhanalom do hatana.
6Gumogo do dihalungunhon rohangku Tuhan i sian angka parhal di torang ni ari, angka parhal di torang ni ari tongon.
7Nalom ma roham tu Jahowa, ale Israel, ai parasi roha do Jahowa, jala godang do haluaon di Ibana.
8Jala Ibana sandiri paluahon Israel sogot sian dosana sudena.