Alkitab Mobile SABDA
[VER] : [TOBA]     [PL]  [PB] 
 <<  Mazmur 14 >> 

I. Alualu ni si Daud mangarsakkon roha mago ni manisia 1-3. II. Uhum madabu tu angka parjahat. Las ni roha ni angka na daulat marroha 4-7.

1(I.) Ende sian si Daud. Ninna na oto i do di bagasan rohana: Ndang adong Debata; jahat jala sogir do nasida marpangalaho, ndang adong sibahen na denggan.

2Manatapnatap do Jahowa sian banua ginjang, paidaida jolma manisia, marnida manang na adong na marroha, na usouso di Debata.

3Hape tung saluhut do nasida sumurut, tung sange do nasida marroha mago, ndang adong sibahen na denggan, nanggo sahalak.

4(II.) Tung na so mananda do ulaning sude angka sibahen hajahaton? Angka na manganhon bangsongku songon na mangan roti, ia Jahowa ndang dijou nasida.

5Alai tarsonggot situtu do nasida disi sogot, ai matua didongani Debata do pinompar ni na tigor roha i.

6Ditungkol hamu pe tahi ni na dangol, hape sai Jahowa do parsigantunganna.

7Ise ma ulaning sian Sion mangalehon haluaon di Israel? Molo disuhe Jahowa habuangan ni bangsona, marolopolop ma ho, ale Jakkob, marlas ni roha ma ia Israel.


  Share Facebook  |  Share Twitter

 <<  Mazmur 14 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran