Alkitab Mobile SABDA
[VER] : [BIAK]     [PL]  [PB] 
 <<  1 Tesalonika 1 >> 

1Ro Paulus, Silwanus ma Timotius faro kawasa jemaat ro Tesalonika, kawasa ro Allah Kmaya ma ro Manseren Yesus Kristus: Saswar-fakamaman ma aski-ḇaḇye ryowus mko kada.

2Nkokofen kasumasa faro Allah ḇesyakwar snar nko kam ma nkap mko ronadi nkoḇena ḇesyakwar.

3Snar nkoswarepen fararur kakyar mkoḇena ḇeaya kwar, fararur saswar mkoḇena ma ḇaḇesaneraro ḇedworen mkoḇena faro Manseren koḇedi Yesus Kristus ro ḇarpon Allah ma Kma koḇedi.

4Ma nkofawi, ne, naek srar Allah iswar mkoya, mboi Allah kyinfir mko kwar.

5Snar Ankankinem Ḇeḇye nkoḇaryas ani nkoḇuki faro mko kuker wawos monda ḇa, ḇape kuker papoik ro Rur Ḇesrenya ma kuker kakyar ḇeko. Mboi mkofawi, rariso nkofararur rofandu mko snar mko.

6Mboi fyasna ḇadir mkosouser nko ma mkoso Manseren kwar; ro ḇaḇewayam ḇemarḇak mkona wos ani kuker raryaḇ ḇeḇeknam ro Rur Ḇesrenya.

7Isof mko ḇefasasna kwar faro kawasa ḇekyarsya kam ro supya mnuk Makedonia ma ro Akhaya.

8Snar rofandu mko, Manseren wos ḇyedi ryok ḇeruran ro Makedonia ma Akhaya monda ḇa, ḇape ro moḇna kam kakyar mkoḇedi faro Allah, ḇyesno kwar, isof nari nkokofen roi oso ḇa.

9Snar mankunsi sfarfyar ro nko, rariso mkosrow nko ma rariso mkokaḇerbur karwarsya faro Allah famkuffarmyan Allah ḇekenem ma ḇenapes,

10ma insa mkowaf raramuma ro Allah Rumkun ḇyedi ro boiyaswa, ḇyefa ḇeyiḇer kwar rofandu ḇemarsya isoine Yesus, ḇefaspar kobur masasor nari ḇeramumaya.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  1 Tesalonika 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel