Alkitab Mobile SABDA
[VER] : [BIAK]     [PL]  [PB] 
 <<  Kolose 4 >> 

1Ne, faro manseren mkoya, mkofrur mnis kuker napnapes faro manfamyan mkoḇesi ro sasuref sena; snar mkofawi mkona Manseren oso ro boiyaswa.

2Mkofarmku ro nadi ma mkepen mko ma mkokofen kasumasa.

3Ma mkonadiwarek aya kako, insa Allah ḇyas kedwai faro ḇaḇeḇaryas nkoḇena, isof nkawawos kankunes ro Kristus, ḇefnai fayasmai ro buiya.

4Rarirya nari yafasnai, ḇararyas ani imnis moḇ ryaya.

5Inja mkokenem kuker fawawi faro snonkaku ḇekyar ḇasya, ma mkofnak awer fafisuna.

6Iḇye mkawawos kuker saswar, ma wos anna mbuar awer, isof mkofawi, rariso nari mkokarem faro snonkaku oser-oser.

7Tikhikus, naek koḇedi koswar kaku ani, manfamyan ḇeḇeuser ma min ḇeyuffarmyan faro Manseren nari ikofenḇayir faro mko, ro roi ḇeḇor kam ḇekur ayana.

8Yawan i faro mko kuker kakara insa mkofawi roi ḇekur nko ma insa ḇyuk sneprei faro mko.

9Yawan i warpu Onesimus, naek koswar kaku ani ma ḇeḇeuser, snon oso rofandu mko. Nari sukofenḇayir faro mko ro roi ḇeḇor kam ḇero dinena.

10Ma Aristarkus fyarem aroo faro mko, min ḇesmai fnoḇek aya ro bui ma Barnabas fno ḇyedi Markus mkosma ankinem kwar ro i; mkosrow i rofyor ryafa kwar faro mko.

11Ma ro Yesus snirḇe Yustus. Snonkaku rikior skoine skerer skoi ḇesma sofakfuk skoi ḇeḇemin kuker aya ḇesma fararur oser ro Ḇaḇesasoser Allah; skoiso ḇeḇesneprei maro aya.

12Epafras fyarem aroo faro mko; i snon oso rofandu mko, Yesus Kristus manfamyan ḇyedi, ḇeḇenadi ḇesyakwar faro mko, insa mkores nako, imnis snonkuf ma ḇekyar kaku roi ḇeḇor kam Allah imarisen na.

13Mankundaya yaḇesaksi mboi ifararur sambraḇ kaku kwar faro mko ma naek srar ro Laodikia ma Hierapolis.

14Lukas dokter (ḇefawinanem aryawin faro ḇedufsya) koswar kaku ma Demas sufarem aroo faro mko.

15Mko kofenḇayir aroo nkoḇena faro naek srar ro Laodikia; ma faro Nimfa ma jemaat ḇero rum ḇyedi.

16Ma rofafisu syap ine ḇyeḇewasya rofandu mko kwar, mkosewar fainsa ḇyeḇewasya faro jemaat Laodikia kako ma syap faro Laodikia kako ḇyeḇewasya faro mko.

17Ma mko kofenḇayir faro Arkhipus: Mamwarek naḇye, insa afuffarmyan wasma ro Manseren ani wafrur mnisna.

18Aya, Paulus, yafarem aroo faro mko. Aroo ine mankundaya iso ḇefas iya. Nari mkoswarepen wanka yena. Saswar-fakamaman ryowus mko kada. Ro nu, Paulus ma Timotius



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Kolose 4 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel