Alkitab Mobile SABDA
[VER] : [BIAK]     [PL]  [PB] 
 <<  1 Tesalonika 2 >> 

1Naek srar mankun mko kako mkofawi, raramufa nkoḇedi faro mko waworek ḇa.

2Mboi kaku ḇeri nkorafa ḇaimya, mkofawi sewayam ma sonef nko ro Filipi kwar, ḇape kuker fafnoḇek ro Allah koḇedi, nkosma makaku fankoḇaryas Ankankinem Ḇeḇye ro Allah faro mko ro fararur ḇemarḇak ine.

3Snar ananun nkoḇena farkarkor ninyan naisya ḇa roḇaido kakara ḇekaku nairya ma sararer naisya ḇa kako.

4Roḇa. Snar Allah kyara nkosyus ma ikyar Ankankinem Ḇeḇye ani faro nko, rarirya nkoḇaryas, fankofrur marisen snonkaku ḇa, mboi nkofrurfa Allah imarisen ma imnasen nkosnesna.

5Snar fafisu oso ḇaim fankowos marnden -- roi ḇeradine mkofawi -- ma nkona kakara faḇrimankun ḇeyokef ḇa -- Allah ḇeḇesaksiya --

6fafisu oso ḇaim nkosewar sanandik ro snonkaku, inja ro naek srar mko ma snonkaku ḇese kako. Kaku ḇeri nkofrur rarirya imnis Kristus manwawan ḇyesi, rarirya nari nkor roi ono ro mko.

7Ḇape nkoḇeaḇaḇen mko, imnis sna oso fyarus ma fyaduru romawa ḇyedi.

8Rarirya kako, nkoswar naba faro mko, inja nkomarisen nkoḇerwas Allah Ankankinem Ḇeḇye ḇyedi monda faro mkoḇa, ḇape kankenem nkoḇena ḇardi kako kuker mko, snar nkoswar mko kwar.

9Snar mkoswarepen kaker ḇaḇesewar ma kandera -- marmor nkoḇena kwar. Rofafisu nkofararur ro roḇ meser, insa nkofrur kandera faro oso ḇa kako rofandu mko, snar nkoḇaryas Allah Ankankinem Ḇeḇye ḇyedi faro mko.

10Mko ḇesaksi maro nko, rarirya kako Allah, nkokenem nasren, nkofrur mnis ma nkofarorew ḇa fankokenem rofandu mko ḇekyar faro Kristus kwar.

11Mkofawi, nkomnis kma oso faro romawa ḇyesi, nkanun mko ma nkoḇuk sambraḇ faro mko oser ḇe oser kwar;

12ma nkor kaku ḇeri, insa mkokenem namnis raris Allah marisen ḇyena, ḇeyor mko faro Ḇaḇesasoser ma baba ḇyedi.

13Ma rarirya nkomnai ḇa ro nkokofen kasumasa faro Allah kako, snar mkona Allah wos ḇyedi nkoḇaryas kwar ani, imnis wos ro snonkaku ḇa, ḇape -- ma kaku ḇeri rarirya -- Allah wos ḇyedi, ḇefararur ro ḇekyar mkoya kako.

14Naek srar ḇaḇewayam rosai mkosmana, jemaat-jemaat Allah ro Yudea ḇena Yesus Kristus saksma ḇaḇewayam anna kako kwar. Ḇaḇewayam mkosmana ro er mankun mkoḇansya, imnisbos kaku moḇ Allah jemaat ḇyena ro Yudea sisma ḇaḇewayam raya ro Yahudisya.

15Mboi Yahudisya smun Manseren Yesus kwar ma nabisya ma sḇewayam nko ḇesya kwar. Allah rosai imarisenna sfandun naba mboi sḇembroḇ snonkakusya kam,

16snar simarisen sidwarek nko insa nkobaryas awer wos ani faro er ḇese fasaksma koreri. Rarirya sifrur pdef ḇesya kwar sasar sena rawo nabor kaku inja baboine Allah masasor ḇyedi myun si kwar.

17Ḇape naek srar rofafisu koḇesisyeya koḇinkwan ro mamamyae, ḇape kofanamyae ro kosnesna, nkoḇeḇare ḇeswar kaku ḇeri ma nkoḇesewar insa nkorakaki fankomam mko.

18Snar nkokara kwar fankorakaki mko -- ma aya, Paulus, yafasos kwar isyadi ro rarwan oser, -- ḇape Ibirisya idwarek nko.

19Kaku ḇeri mkoiso nkokyar ma nkoryaḇ kukerya. Snar nari rofyor Manseren Yesus ryama ma kosrow iya, nari mkoiso komsik kukerya.

20Kaku ḇeri, mkoi eḇedar nkomsik ma nkoryaḇya.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  1 Tesalonika 2 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel