Alkitab Mobile SABDA
[VER] : [BIAK]     [PL]  [PB] 
 <<  1 Tesalonika 3 >> 

1Ḇarpurya nkofarmku wer ḇa, mboi nkokara iḇye syadi yerer yakain ro Atena.

2Mboi nkowan Timotius, naek ḇefararur faro Allah fnoḇek ro ḇaḇeḇaryas Kristus Ankankinem Ḇeḇye ḇyedi ryafa ḇyuk sambraḇ ḇemko ma danun mko ro kakyarya,

3insa ono kakyar sena namarmer awer snar ḇaḇewayam anna. Mankun mkofawi, mboi sfasna ko faro ḇaḇewayam ḇera dinena kwar.

4Snar, rofyor nkoisya fnoḇek mko, nkokofen faro mko kwar, nari kosma ḇaḇewayam. Ma mkofawi, ḇaḇewayam ḇeradine ndarirya kwar.

5Eḇedari yafarmku wer ḇa, mboi yawan Timotius, insa yafawi rariso kakyar mkoḇena, snar yaḇeḇirḇar rofyor mkosma fafrowes ro Ibirisya kwar ma nari ḇaḇesewar nkoḇeja ḇyefromo.

6Ḇape baboine, Timotius kyaḇerma kwar ma dun ḇaryas ḇefrur raryaḇ ro kakyar ma saswar mkoḇena, ma mkoḇe ḇare nko ḇesyakwar ma mkomarisen mkosrow nko, imnis nko kako nkomarisen nkosrow mko,

7naek srar, nko kako, ro ḇaḇewayam ḇeḇor nkoḇena nkosma sneprei snar kakyar mkoḇena.

8Baboine rofyor mkores faswef ro Manseren, imnis raris nkokenem kaḇer wer.

9Snar kafkofen kasumasa rosai nari nkoḇuk faro Allah ro ḇaḇeraryaḇ ḇeḇor, nkosma ro mko, ro ḇarpon Allah koḇedi?

10Ro roḇ meser nkonadi kaku ḇeri, insa kosrowyae ḇarpon kuker ḇarpon ma nkofamfon rosai ḇedawer kaker ro kakyar mkoḇena.

11Allah, Kma koḇedi, ma Manseren koḇedi Yesus, ḇyuk nyan maro nko fankosrow mko kada.

12Manseren ifrur famkoswar syadiyae mko ma mkoswar kawasa kam, imnis raris nko kako nkoswar mko.

13Manseren ḇyuk sambraḇ faro mko kada, insa mkosren ma mkofarorew ḇa, ro ḇarpon Allah ma Kma koḇedi rofyor raramuma ro Manseren koḇedi, Yesus fnoḇek kawasa ḇyesya kam.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  1 Tesalonika 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel