Alkitab Mobile SABDA
[VER] : [BIAK]     [PL]  [PB] 
 <<  1 Timotius 4 >> 

1Ḇape Rurya ikofenbos mboi rofafisu ḇarpurya, nari snonkaku ono nari sfamyunepen Allah raimnai siso rodur ḇeḇeninyan ma farkarkor ro Ibiris

2ma kuker farawrowes ro ḇesararersya snar sneuser sena npanpan.

3Sikada sidwarek snonkaku sfakawin awer, sidwarek snonkaku san awer Allah roḇean ifrurna, insa roḇean anna nbeḇeyan kuker kafkofen kasumasa faro Allah, ro snonkaku ḇekyar faro Kristus ma ḇemamḇaḇir kwar Allah ḇaḇenapnapes ḇyedi.

4Snar Allah roi ifrur anna kam naḇye ma osoḇaḇeri faḇyeḇean farfor, rofyor neḇean kuker nadi kafkofen kasumasa faro Allah,

5snar nakam neḇefasren kuker nadi ma Allah wos ḇyedi.

6Ma buk swarepen ḇesyakwar ro roi ḇeḇor anna kam faro naek srar koḇansi, nari wamnis snonkaku ḇeḇye oso ḇeyuffarmyan Yesus Kristus, farkor mankundaw ro knam kakyar koḇedi ma farkarkor ḇekaku waso fyoro kwar ani.

7Waso awer kakyar famfnom ma farfyar kakais ḇeḇefainda ḇa.

8Fari faro baken ḇyefandun mankenem ba, ḇape ḇaḇeari ani ḇyefandun ro roi ḇeḇor kam, snar naisya kuker asas, iḇye faro kankenem ine ma faro kankenem nari ḇeramaya kako.

9Kaku ḇeri wos ine ma kona kakui.

10Eḇedari kofaḇri isof kardomes, snar kona kakyar faro Allah ḇekenem, Ḇeḇuk koreri faro snonkaku kam, isyadi faro ḇekyarsya.

11Baryas ma buk farkarkor ro roi anna kam.

12Snar besnonkbor kaker, imbude snonkaku ono skara ma srun awri. Mankundaw fasna faro kawasa ḇekyarsya, ro wawos bena, ro rari bena, ro saswar bena, ro ḇaḇesyowi bena ma ro saranden bena.

13Rofafisu ine, isof nari yarafa, wawasya kaku ḇeri Refo faro si wadif si ma buk farkarkor faro si.

14Waswarepen naḇye insa wafrur raris fakamaman wasma kwar ro Allah Rur ḇyedi, rofyor manfarkin jemaatsya sisawar dofen aw ma nabisya ssḇuk kwar faro mankundaw ro ananun Allah.

15Waswarepen roi nane kam, wafrurna insa marandan bedi isnai faro kawasa kam.

16Wepen mankundaw ma wepen farkarkor bena. Beasuser roi ḇeḇor kam, snar wafrur rarirya ido nari mankundaw ma kawasa ḇerowersya mkosma aski kam.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  1 Timotius 4 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel