Alkitab Mobile SABDA
[VER] : [BIAK]     [PL]  [PB] 
 <<  1 Timotius 5 >> 

1Wamsor awer mansarsya, mboi wasonek si imnis kma oso faro aw. Wasonek snonkborsya imnis naek besi,

2ḇinsarsya imnis sna faro aw ma dojarusya imnis srar besi kuker saranden.

3Besyowi faro ḇeḇekabom kakusya.

4Ḇape rofyor kabom oso nya romawa roḇa kpu ono, iḇye simor faro kina mankunsi sena ma smunsu syowi kma ma kpu sesi, snar naiso ḇefrur marisen faro Allah.

5Mboi kabom oso ḇeḇekabom kaku, ḇeyerer ro ḇinkundi, ḇerir kakyar ḇyedi faro Allah ma fyarmku ro nadi ma fararyor ro roḇ ma meser.

6Ḇape kabom oso ḇekenem kuker maris ikada imar kwar rofyor isya ikenem kaker.

7Buk swarepen roi ḇeradine kako faro kabom ansi insa sikenem kuker farorew ḇa.

8Ḇape rofyor snon oso fyaduru kawasa ro keret ḇyedi ḇa, isyadi wer kina mankundi ḇyesi, snon ani iḇyeḇa syadi ro snonkaku ḇekyar ḇasya.

9Sfasepen ḇe ḇekabomsya, isoine ḇeḇewampasi wambarek samfur riwonem kwar, ma sfakawin ḇeoser monda

10ma sfasna ḇair sifrur fararur ḇeḇye, imnis sfaduru romawa, ssḇuk sim ḇeḇeryar faro dakam, suffarmyan snonkaku ḇena kakyar oser, ma sifnoḇek snonkaku ḇeyananjarsya --rarirya sifrur kaku ḇeri fararur ḇeḇyena.

11Mkofasepen awer kabom ḇeḇebinkufsya. Snar rofyor nafsu sedi faro sfakawin wer, nafsu ani fyaspar sibur Kristus.

12Inja sikada sor samamyai faro ḇinkunsi, snar sḇerer asas ssḇuk faro Kristus.

13Osower syun-swaye ro ono ḇese rum sena, indo simyaren ḇa ma simyaren ḇaya derer mondaḇaḇoi sḇeḇindaw ma spambarḇar snonkaku ḇese wawos sena ma sikofen roi ḇenapes ḇa.

14Eḇedari yamarisen fakabom ḇeḇebinkufsya sfakawin wer, insa sna romawa, ma sfaduru kina sena ma ssḇuk moḇ fambroḇ koḇesi sifrur fanor kosnosna awer.

15Snar kabom ono sibor siso Ibiris kwar.

16Rofyor snon roḇa bin ḇekyar ono kina sena kabom ono sisya, iḇye ifnoḇek si mboi sekamnam faro jemaat awer. Rarirya jemaat ifnoḇek monda kabom ḇena kina ḇasya.

17Penetuasya manfarkin ḇefararur mnis ro jemaat, indo sisma syowi rarwan risuru, isyadi faro ḇeḇesewar kuker ardomes faḇefaya ma ḇeḇuk farkarkorsya.

18Snar sfas ro Refo radine: "Swower sapiya sḇadon ḇyedi kuker pisan awer rofyor imas fasibu famorsya siḇesebur smarya," ma "Snon ḇefararur oso nari isma sasuref ḇyedi."

19Safsof ro penetua oso wamnafi rofyor snon risuru roḇa kior sḇesaksi.

20Snonkaku ḇefrur sasarsya sḇeḇesonek ro fababa ro ḇarpon jemaat insa eḇesesya simkak.

21Ro ḇarpon Allah, Yesus Kristus ma malaikat skinfirsya yanun kaku ḇeri faro aw: insa waswarepen ananun ine kuker warkaki ḇa ma wafrur roi ḇeḇor kam mboi wafnoḇek awer ono.

22Wasawsaw awer wasawardofen snonkaku oso ma wasaso awer sasar ro snonkaku ḇese. Swasor saranden mankundaw bedi.

23Winem monda war awer, mboi winem anggur kenmkun ono kako imnis aryawin faro snewar, snar indo wadafdufrya.

24Snonkaku ono sasar sena indo nfababa, rofyor sun na ḇeḇaḇemankara ḇaimya, ḇape ono sasar sena insape nasnai ro ḇarpurya.

25Rarirya kako fararur ḇeḇyena indo nasnai fasaw ma rofyor rarirya ḇaido, nari nayokef ḇa.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  1 Timotius 5 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel