Alkitab Mobile SABDA
[VER] : [BIAK]     [PL]  [PB] 
 <<  2 Petrus 1 >> 

1Ro Simon Petrus, manfamyan ma wawan Yesus Kristus, faro si ḇefnoḇek kuker nko ḇesma kakyar snar Allah ḇenapes ma Yesus Kristus Ḇeḇuk korerima ḇeko.

2Saswar-fakamaman ma aski nabor faro mko ḇemamḇaḇir Allah ma Yesus, Manseren koḇedi.

3Snar Allah papoik ro ḇaḇe-Manseren ḇyena ḇyukma ḇeko kwar roi ḇeḇefandun nabor faro kankenem ḇesren snar mamamḇaḇir koḇena faro i, ḇeyor ko kwar snar papoik baba ma ḇaḇye ḇyedi.

4Kuker nyan ani ḇyuk maro ko kwar ḇaḇeasas ḇeḇemaeja ḇeba kaku, insa kukerna mkun rarwas ro papoik ḇaḇe-Manseren, ma mkokfisbur rmomen-nafsu supswan ḇeḇuk raro faro mko.

5Rarirya mkoḇesewar kaku ḇeri famkofamfon kakyar ḇeḇye mkoḇena, ma faro fawawi ḇeḇye,

6ma faro fawawi farmkuwarek mankun, faro ḇriwarek farmku mankun, ma faro ḇaḇenamu sarandenya,

7sarandenya isoine mkokenem kuker ḇeḇeuser Allah marisen ḇyedi ma mko ḇeḇefasos kuker saswar faro naek srar min Kristensya. Saswar mkoḇedi faro min Kristen fnoḇek kuker saswar faro snonkaku kam.

8Snar rofyor roi ḇeḇor nane kam naisya ro mko, nari nafrur famkomyaren ma mkoḇuk bon mamamḇaḇir faro Yesus Kristus, Manseren koḇedi.

9Ḇape mansei ḇeyakna roi ḇeḇor nane kam ḇasya, sipraf ma siḇor, ma sepro mboi sasar ḇepon sena neḇepyos kwar.

10Eḇedari naek srar ayesi, mkoḇesewar kaku ḇeri, insa fararyor ma kankinfir mkoḇena nadworen syadi. Snar rofyor mkofrurna, nari mko karkar ḇa.

11Rarirya nari ssḇuk syadi faro mko nyan famkaksun ro Ḇaḇesasoser ḇekain fyoroya, isoine Manseren Ḇaḇesasoser ḇyedi ma Ḇeḇuk korerima ḇeko, isoine Yesus Kristus.

12Inja yakara ḇesyakwar fayaḇuk swarepen faro mko ro roi ḇeḇor anna kam, mboi mkofawina kwar ma mkodworen ro napnapes mkosma kwar.

13Rofyor yakenem kaker, yakara fararur ayedi fayaḇuk swarapepen faro mko ro roi kokofen nane.

14Snar yafawi, nari fyoro ḇa yabur supswan ine, snar Manseren koḇedi Yesus Kristus ikofen kwar maḇe aya.

15Ḇape nari yaḇesewar, insa yabur kwar ido mkoswarepen nakam ḇesya kwar.

16Snar nkoso farfyar kakais fararur snonkaku ḇa, rofafisu nko ḇaryas faro mko baba ma rarama Manseren koḇedi Yesus Kristus. Baba Kristus ani nkomam i kwar.

17Nkoḇesaksi, rariso isma ḇaḇesyowi ma baba ro Allah Kmaya, rofafisu mkaren ryama faro i ro Allah mankundi, ḇekofen: "Ine kada Rumkun yedi yaswar kaku, yamarisen kuker i."

18Mkaren nkomnaf ryamaker boiyaswa, rofyor nkowarpu i ro bon ḇesrenya bori.

19Rarirya nkosma samambraḇ syadi wer ro Allah wos ḇyedi nabisya sḇaryas kwarna. Mkoswarepenna imnis raris mkoswarepen paramrom ḇesnai ro moḇ ḇepampan isof dorekna nakpef ma mak meser dek faisna mkosnemna kada.

20Roi mkofawi ḇepon kakuya, isoine ḇardadi ro Refo ḇyeḇeper imnis marisen snonkaku ḇa,

21snar ḇardadi anna neḇeḇaryas ro marisen snonkaku ḇa, ḇape kuker dafdif ro Rur Ḇesren snonkaku sawos kuker snonsnon Allah.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  2 Petrus 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel