Alkitab Mobile SABDA
[VER] : [BIAK]     [PL]  [PB] 
 <<  2 Timotius 3 >> 

1Mkofawi mboi ro ras ḇepupesna nari ndama kuker kandera nabor.

2Snonkakusya nari siswar mankunsi ḇardi ma sewomen faro pipi. Nari sḇemandaw ma simarares mankunsi, sanonef, nari sisampum sinansya ma sifawi sikofen kasumasa ḇa, sfandun ḇar rurya ḇa,

3sifawi saswar ḇa, simewer ḇaḇeaskiya, simarisen skoryae snonkaku, sfarmkuepen mankunsi ḇa, siḇarḇor, simewer roi ḇeḇyena,

4simarisen sḇoḇ min sesi, skara nakwan ba ma simarares si, siso syadi rmomen-nafsu sena ro siso Allah.

5Sifrur ḇaḇeari sena imnis kakara snonkaku, ḇape simewer knam ro agama ani ḇardi. Inja mkofanam awer si!

6Snar rofandu si ono sisya ssun fasis ḇerum snonkaku ono bese ma sidenem bin ono ḇefo kuker sasar ma ḇefo kuker rmomen bakenya,

7ma simarisen sḇeḇefarkor, ḇape smambir ḇaḇenapnapesya ḇa.

8Simnisbos kaku Yanes ma Yambres ḇesampum Muses, rarirya si kako sisampum ḇaḇenapnapesya. Swaruser sena ndobur si ma kakyar sena nasusu.

9Inja nari sirwuren ḇa, snar simnis raris Yanes ma Yambres, ḇaḇefawawi royoḇa sena nari nfababa faro snonkakusya kam.

10Ḇape waser farkarkor yena kwar, rariso kankenem ayedi, marisen ayedi, kakyar ayedi, kaḇaḇaḇ ayedi, saswar ayedi, ma ḇaḇenamu ayedi.

11Waso kwar ḇaḇekandera ḇaḇewayam ma kandera imnis yaḇekandera ro Antiokia ma ro Ikonium ma ro Listera kwar. Kandera anna kam yaḇarna ma Manseren fyaspar ayaburna kam.

12Mboi snonkaku oser-oser ḇemarisen ḇekenem ro ḇaḇeari snar Yesus Kristus nari sisma ḇaḇewayam,

13mboi ḇeḇarḇorsya ma ḇesararersya sikada nari sḇarḇor syadi, sfarkor ninyan ma sḇeḇeyakḇeninyan kako.

14Ḇape wuf faswef ro ḇaḇenapnapes wasma kwar ma wakyar ani, ma waswarepen ḇesyakwar snonkaku ḇefarkorna kwar faro aw.

15Waswarepen kako mboi rofyor wabaḇaya mambir kwar Refo ḇeḇuk fawawinanem faro aw ma ḇefarkin aw faro koreri snar kakyar faro Yesus Kristus.

16Fasfas ḇeḇor ḇeramuma ro Allah nbefainda kaku fakoḇuki fyarkor, koḇuki ikofen fasna ḇaḇesasarya, koḇuki ifrur mnis rari ma koḇuki fyarkor snonkaku ro ḇaḇenapnapesya.

17Rarirya Allah snonkaku ḇyesi oser-oser sḇeḇefasos faro fararur ḇeḇyeya.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  2 Timotius 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel