Alkitab Mobile SABDA
[VER] : [BIAK]     [PL]  [PB] 
 <<  Ibrani 13 >> 

1Inja mkoswaryae mko imnis raris kawasa Kristen ḇeḇemanbekanaek.

2Mkofanander awer mkoḇuk moḇ ḇeḇeryar faro snonkaku, snar fararur ḇorarirya snonkaku ono kuker fawawi ḇa sedakam malaikat ono kwar.

3Mkoswarepen snonkaku ḇesma samamyai ro bui, imnis mkoisya kuker si ro bui kako. Ma snonkaku sifrur mnis ḇa, mkoswarepen si imnis mko kako sakfrur mko rarirya.

4Mko kam mkoḇesyowi fakawawinya, eḇedari imbeswasya sesyowiyae si. Snar ḇefrur farḇuk ma ḇefrur ḇarḇor nari Allah ḇyuk samamyai faro si.

5Mkormomen pipi awer, mboi mkokenem imnis kuker rosai isya faro mko. Snar Allah ikofen kwar, "Nari yarir aw ḇa ma nari yabur aw ḇa."

6Rarirya kuker kakyar kokofen: "Manseren ifnoḇek aya, inja nari yamkak ḇa. Snonkaku oso ḇaḇeri nari ifrur roi oso maḇe aya!"

7Mkofanander awer manfarkin mkoḇesi, ḇefkai ḇair Allah wos ḇyedi faro mko kwar. Mkoswarepen kankenem ḇepupes sena ma mkokyar faro Allah ma mkofrur farari kakyar ma fararur sena.

8Yesus Kristus fyarwe ḇa, ro ḇeponiwara, baboine, isof fyoro-fyoro.

9Mkomam monda awer farkarkor syoso-syoso ḇeḇor ḇefarkor ninyan mko. Allah ḇaḇye ḇyedi ifrur mkosnemna fanamku, mboi sasoser ro roḇean ḇa. Snar kawasa ḇepon ansi sisouser sasoser anna ḇape sisma fainda oso ḇa.

10Kona rokef farsarser oso fakobuk farsarser som faro Allah. Ma imamsya ḇeyuffarmyan ro rum kruḇen ḇaḇeariya nari san rosai isyaro rokef farsarser ani ḇaḇeri.

11Aiwan rik ssḇuk farsarser imnis som ḇepyos sasar, Imam ḇebaya dun iḇe Moḇ Ḇesren Syadiya ro rum kruḇen ani dori; ḇape aiwan kraf ani kada ḇyeḇerap ro rum kruḇen ani ḇandiri.

12Rarirya Yesus kako imar ro kedwai ḇeba ro mnuya ḇandiri faipyos kawasa ḇyesi sasar sena kuker rik mankundi ḇyedi.

13Snar rarirya mkorama kora faro i ro rum kruḇen ani ḇandiri ma kosma anonef kuker i.

14Snar ro sup ine moḇ ḇekain fyoro oso faro koḇa; inja kosewar mnu nari ḇeramumaya.

15Rarirya kuker Yesus mkorama kosandik Allah ḇesya kwar; ine imnis som kasumasa koḇena faroi, isoine sanandik ro sḇadon koḇena faro snonsnon ḇyedi.

16Mkofanander awer mkofrur roi ḇeḇye ma mkofnoḇekyae mko, snar Allah i marisen samsom ḇerarirya.

17Mkoḇeuser manfarkin-manfarkin mkoḇesi, ma mkoḇesyowi faro sikada, snar siwaren ḇesya kwar rur mkoḇesi ma skarem faro Allah. Rofyor mkoḇeuser si, nari sifararur kuker marisen; rofyor rarirya ḇa, nari sifararur kuker fafafko, snar roi ḇerarirya nbuk fainda osoḇa faro mko.

18Mkonadiwarek ḇesya kwar faro nko; snar nkokyar nkosnesna nasren, snar nkomarisen nkofrur roi ḇenapes ḇesya kwar.

19Yor faro mkerer, mkonadiwarek aya, insa Allah dun kaḇer aya fasaw faro mko.

20Allah ḇyawes kwar Manseren koḇedi Yesus ro marmar. Snar marmar ḇyedi, baboine ḇye Manfarandous Ḇeba maro ko imnis domba-domba ḇyesi. Marmar ḇyedi kako ḇyuk kaku ro Allah asas ḇyedi ḇekain fyoroya.

21Allah knam askiya fyasos mko kuker roi ḇeḇye kada, mkofandun famkofrur imnis marisen ḇyedi. Kuker Yesus Kristus manfandu Allah, ifrur maro ko rosai imarisenya. Sanandik fyoro-fyoro faro Kristus! Amin.

22Yor ro mko, naek srar, insa mkokara wos ananun ayenane kuker kaḇaḇaḇ kada, snar syap ayedine ikwan mankenem ḇa.

23Mkofawi naek koḇani Timotius sisasyar i kwar ro bui. Rofyor ryama kwar ro moḇ ayedine, nari yuni rofyor yaḇe yarakaki mko.

24Mkokofen ḇadir aroo ayedi faro manfarkin mkoḇesi kam ma faro Allah kawasa ḇyesi kam. Naek srar ro Italia kako sfarem aroo faro mko kam.

25Manseren ḇyebok naek srar mko kam kada.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Ibrani 13 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel