Alkitab Mobile SABDA
[VER] : [BIAK]     [PL]  [PB] 
 <<  Yakobus 1 >> 

1Ro aya, Yakobus, Allah ma Manseren Yesus Kristus manfamyan suḇedi yafarem aroo faro keret samfur seser risuru ḇekakek ro supswan ine.

2Naek srar ayesi, rofyor mkosapi ro fafrowes ḇeḇor, mkokarana imnis aski oso,

3snar mkofawi, mboi manasnasen ḇekur kakyar mkoḇena nbuk ḇaḇenamu faro mko.

4Ma ḇaḇenamu ani ḇyuk bon ḇemku, insa mkomnis ma mkosiper ma mkananjar awer roi ono kako kada.

5Ḇape rofyor rofandu mko ono sisya smamkarkir mnis ḇa ido, sor mamkarkir ani ro Allah kada, ḇeḇuk faro snonkaku kam kuker sanemura ma ḇeyor kaḇerna ḇa,-- inja roi anna nari neḇeḇuk faroi.

6Inja dorna kuker kakyar, ma ḇyeḇirḇar awer, snar ḇeḇeḇirḇar simnis kuker ḇak ro soren, wamya dun mura-muma.

7Snonkaku ḇerarirya kyara awer nari isma roi oso ro Manseren.

8Snar snonkaku ḇeḇesnemandu nari iknon ro kenem ḇyedi ḇa.

9Kawasa Kristen ḇesaḇarar siryaḇ kada rofyor Allah ikanow si.

10Ma kawasa Kristen ḇeḇekayan siryaḇ kako kada, rofyor Allah ryun si. Snar snonkaku ḇeḇekayan nari sipromes imnis aḇris pampen.

11Snar ori dek kuker samsam ḇeyosuk ma ḇefrur maryoi aḇris ansi, isof pampen sesi skapaf ma sananai ḇepyum sena ndo. Rarirya kako kuker ḇeḇekayansya; rofandu ḇaḇesewar ḇeḇor sena nari napromes.

12Aski faro snonkaku ḇedworen ro fafrowesna, ma dores nako kwar ro manasnasen ido, nari isma wower kankenem Allah ḇyeasas faro mansei ḇeswar Allah.

13Rofyor snonkaku oso isma fafrowes ido ikofen awer: "Fafrowes ine ryama ro Allah!" Snar ḇarḇorya ipok ifrowes Allah ḇa, ma Allah mankundi ifrowespan manseirya ḇa kako.

14Ḇape snonkaku oser-oser isma fafrowespan snar mankundi rmomen baken ḇyena, nasmeri ma nadenemi.

15Ma ḇaḇermomen baken ani ḇyebon kwar daḇen sasar; ma rofyor sasar imku kwar, daḇen marmari.

16Naek srar yaswar kaku, mkoḇor awer!

17Roi ḇeḇye ma ḇemnis kosmana ndamaker boiyaswa, Allah ḇyena fanado, i ḇefrur isnai ḇeḇor kam ro nanki.

18Kuker marisen ḇyedi i frur ko kwar kuker wos ḇenapes ḇyedi, insa kosma moḇ ḇepon fakoḇe romawa rak rofandu roi ḇekenem kam ifrurna.

19Ne, naek srar yaswar kaku, mkoswarepen: Mko kam mkosamberen famkomnaf, ḇape mkowawos ma mkomasasor fasaw awer kako;

20snar masasor snonkaku nafrur roi ḇenapes ono ro Allah ḇarpon ḇyedi ḇa.

21Inja mkosawen roi ḇemamasna kam ma ḇarḇor ḇeborna kam ma kuker randun sne mkona Allah wos ḇyedi kyer kwar ro mkosnemna, nari ḇeḇuk koreri faro rur mkoḇesi.

22Ḇape mkuffarmyan wos ani ma mkorower monda awer; snar rarirya ḇaido mkoḇeankar mankun mko.

23Snar snon oso imnaf monda wosya ma ifrur ḇaido, imnis kuker snon oso ḇemam mankundi ro kansinai.

24Kniko fasaw myam mankundi, raimnai rya ma ḇyeprobos moḇ isnairaya.

25Ḇape mansei ḇekukeḇ sasoser ḇemnis anna isoine sasoser ḇeḇuk ḇaḇemkei faro snonkaku, ma ḇyenamu faḇyeuserna, inja ryower monda ma fyananderna ḇa, ḇape ifrur kakuḇerina, nari isma aski ro fararur ḇyena.

26Rofyor snon oso kyara mankundiḇe ḇeḇeari nasrawen, ḇape fyarmku ramar ḇyedi ḇa, ḇyeankar mankundi, ma ḇaḇeari ḇyena nefromo.

27Ḇaḇeari ḇekaku ma ḇefarorewḇa ro Allah, Kma koḇedi ḇarpon ḇyedi, isoine ryakaki awak param ma kabomsya ro ananjar sena, ma ḇyesasor mankundi insa supswan ine ifrur mamas aweri.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Yakobus 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel