Alkitab Mobile SABDA
[VER] : [BIAK]     [PL]  [PB] 
 <<  Wahyu 10 >> 

1Raimnai yamam malaikat ḇesambraḇ oso ḇese isabu ro boiyaswa. Mandep nasawoḇi, ma saseḇi pyarek ḇru ḇyedi. Ḇarpon ḇyedi isnaper imnis ori, ma wemin ḇyesi simnis adir for.

2Ro ḇraminsya syap kasun beniw ḇeḇaspyan oso isya. Wemin ḇar rakuya daref ro soren, ma ḇar rasarya daref ro ḇande.

3Raimnai kyaru naba kaku imnis singa ḇeawur. Malaikat ani kyaru posa kwar, karadu rifik ndok ḇeruru.

4Rarirya karadu rifik anna ndok, yamarisen yafasepen na, ḇape yamnaf mkaren oso ro boiyaswa ikofen, "Fasepen awer rosai karadu rifik anna nakofen na; ma kankunes ḇyena!"

5Raimnai yamam malaikat beyaref ro soren ma ro ḇande ani ikanow ḇramin ḇar raku ḇyedi ḇenanki.

6Ma syowar kuker Allah ḇekenem fyoroya snonsnon ḇyedi, ḇefrur nanki, supna, soren, ma roi ḇeḇor kam ḇero ina. Malaikat ani ikofen, "Fafisuya nari ḇyeḇesusu wer ḇa!

7Ḇape rofafisu malaikat ḇeḇefikya iwuf kḇur ḇyedi, ma nari Allah ifrur aw kankunes ḇyedi, imnis ikofen ḇadir kwar faro manfamyan ḇyesi, isoine nabisya."

8Ḇarpurya mkaren ḇewawos kuker aya kwar ro boiyaswa ani, dawawos maro aya wer. Ikofen, "Rwa wun syap ḇeniw ḇeḇaspyan ro ḇramin malaikat ḇeyaref ro soren ma ḇande ani."

9Inja yara faro malaikat ani ma yor insa ḇyuk syap kasun ḇeniwpyan ani maḇe aya. Ikofen, "Wuni ma wani. Ma ro snembri dori nari syarmar, ḇape ro sḇa bedi myarnden imnis umber."

10Inja yun syap kasun ḇeniwpyan ani ro ḇramin ḇyedi ma yani. Ro sḇa yedi ḇyaḇir imnis umber, ḇape yoreni kwar, sneri syarmar.

11Ḇarpurya ssḇuk sasoser maḇe aya, "Baryas ḇeoser wer ro Allah wos ḇyedi faro ersya, kawasa, wosna ma waireksya kam."



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Wahyu 10 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel