Alkitab Mobile SABDA
[VER] : [BIAK]     [PL]  [PB] 
 <<  Wahyu 11 >> 

1Raimnai ssḇuk maro aya ai fyor oser imnis ankyon warnkyara, raimnai ssḇuk sasoser, "Rwa kwara Allah Rum ḇyedi ma rokef farsarserya. Kwor dandonek snonkaku ḇeḇenadi ro dorisya.

2Ḇape buḇes ḇero Allah Rum ḇyedi ḇandiriya, ima kwara aweri, snar mun ani ḇyeḇeḇuk kwar faro ḇefawi Allah ḇasya. Sikada nari sarefapepen mnu ḇesren ani isof paik samfur rifiak seser risuru.

3Ma nari yawan saksi yesuya susun sansun mandak, ma nari suḇaryas Allah wos ḇyedi isof ras syaran oser utin risuru samfur riwonem."

4Saksi ansuya kada zaitun knam risuru ma padamara wemin risuru kosma ro Allah ḇarpon ḇyedi ḇefrur nanki, farsyos sansoren.

5Rofyor snonkaku sifrowes sas fasifrur roi ḇeḇyeḇa oso faro su, nari for isasyar ro susḇasna ma ikun mbroḇ suḇesi. Kuker nyan ḇerarirya, snonkaku kam ḇemarisen ḇefrur dafduf faro su nari sḇeḇemun.

6Susma papoik fasusisenwarek nanki insa mekemya isabu awer rofyor suḇaryas Allah wos ḇyedi. Susma papoik faro war sun na kako, insa sufadwer war anna fanarik. Ma susma papoik kako fasuprer supna kuker kandera syoso kam, rofafisu rosai sumarisenya.

7Ma rofyor suḇaryas kwar ḇaḇesaksi suḇena posa, aiwan ḇesasyar ro munaiḇui nari ḇye embroḇ su ma myun su.

8Ma aipyokem ansu srir su ro nyanmor mnu ḇeba, ro moḇ Manseren suḇedi spai i roya. Snonsnon ḇeḇaryar mnu ḇeba ani isoine Sodom roḇa Masir.

9Kawasa ro er kam, keret, wosna ma kawasa nari smam aipyokem ansu isof ras rikior munya, ma simarisen fa aipyokem ansu suḇeḇepim ḇa.

10Kankain supna nari siryaḇ snar marmar ro saksi ansuya. Nari sifrur munara ma sfaremyae pankun, snar nabi ansuya sufrur kandera nabor faro kawasa kam ro supna kwar.

11Posa ro ras kior munya, Allah Rur ḇekenem ḇyedi syun wer ro nabi ansuya. Inja suyor su fasuyores, isof kawasa kam smam su simkak kaku.

12Ḇarpurya nabi ansuya surower mkaren ḇeba dor su ro boiyaswa, "Murama, muyek mumyas ro dine!" Inja suyek ḇeboiyaswa, ro ḇarpon mamam mbroḇ suḇesi, kuker mandep oso isawoḇ su.

13Rofafisu ani rim ḇebayo myun. Ma ḇar ḇeḇesamfur ro mnu ani imsiser, ma snonkaku syaran rifik simar ro rim ani. Kawasa ḇese simkak kaku, ma sisandik Allah ro boiyaswa baba ḇyedi.

14Raro ḇeḇesuruya isyonde kwar. Ḇape mkomam kada. Raro ḇeḇekiorya kniko nari ryama wer.

15Raimnai malaikat ḇeḇefikya iwuf kḇur ḇyedi, ma ro boiyaswa korower mkaren ḇeba kaku ḇekofen, "Papoik ḇaḇesasoser supswan baboine isya ro Manseren koḇedi ḇramin ḇyedi ma Wairek Ḇeḇuk koreri sḇeasas kwarya. Nari ḇyuk sasoser isof fyoro-fyoro!"

16Ma manfarkin samfur risuru seser rifiak ḇekain ro karapesa ḇaḇesasoser sena ro Allah ḇarpon ḇyedi, skain wepur ma sḇansuba faro Allah.

17Sikofen, "Manseren, Allah bepoik syadi, isya, ma isya kwar! Nko kofen kasumasa mufa ḇeaw, snar kwain ro papoik ḇeba bedi kwar, ma warandak ḇesasoser kwar!

18Kawasa ḇefawi Allah ḇa, sirmomen snar fafisuya imnis kwar fa fasna masasor bedi, ma fafisuya imnis kwar fabuk samamyai faro snonkaku ḇemarsya. Fafisuya isoine fabuk sasuref faro manfamyan ḇesi nabisya, ma faro kawasa ḇesi kam, isoine snonkaku kam ḇekyar faro aw, ḇeba ma kasun kako. Fafisuya isoine fawafrur farmambriwer si ḇefrur farmambriwer supna!"

19Raimnai Allah Rum ḇyedi ro boiyaswa ḇyeḇeseḇen, ma yamam burua asas ḇyedi ro rumya dori. Raimnai arḇeḇer nasamar apepen ma rakrok karadu ndok ḇeruru ma rimya myun ma mekem karui.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Wahyu 11 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel