Alkitab Mobile SABDA
[VER] : [BIAK]     [PL]  [PB] 
 <<  Wahyu 12 >> 

1Raimnai ḇaḇemamam ḇeba ḇesnai kanandor oso isya ro nanki. Isoine bin oso syansun ori imnis sansun ḇyedi, ḇo dores ro paikya bori. Ro ḇru ḇyedi kosma wower oso ḇyekum samfur seser risuru.

2Bin ani imoḇesḇa, ma snar fafisu ḇyedi imnis kwar faiḇe daḇen, inja iduf ma fyararar.

3Raimnai ḇaḇemamam ḇesnai kanandor oso isya wer ro nanki. Isoine korḇen ḇeba ḇerik oso isya ḇyebru rifik ma ḇyeknapur samfur. Ḇru oser-oser isaswo wower oser.

4Kuker purai ḇyedi ḇyuki dawerepen maksya ḇar ḇeḇekior ro nanki ma syosi ḇesupna. Korḇen ani dores fanam bin ḇeḇeḇeyaḇen ani, insa doren romawa ḇyedi rofyor daḇen i kwar.

5Bin ani daḇen romawa snon oso nari ḇeḇesasoser er kam kuker ankyon mankarmomen. Ḇape romawa ani ḇyeḇeposerbur bin ani, ma ḇyeḇeyun faro Allah ro ḇarpon karapesa ḇaḇesasoser ḇyedi.

6Ma bin ani ifrar ḇesup ḇeursḇa, moḇ Allah fyasos kwar faroi. Ro moḇ ani nari ḇyeḇefaduru ras syaran oser utin risuru samfur riwonem.

7Raimnai ḇaḇe embroḇ isya ro boiyaswa. Mikhael kuker malaikat ḇyesi se embroḇ korḇen ani. Ma korḇen ani kuker malaikat ḇyesi sifnoḇek i ḇo sisampum Mikhael.

8Ḇape korḇen ani ḇyeḇefrur kafyo. I ma malaikat ḇyesi ssḇuk wer faskain ro boiyaswa ḇa.

9Korḇen ḇeba ani ḇyeḇesawen ḇeḇondi! Ikada ikak sinan ani ḇenirḇe Ibiris, roḇa Setan (manfamyan Ibiris) ḇeḇeankarkar supswan ḇesiper. Ḇyeḇesawen fnoḇek malaikat ḇyesi ḇesupna.

10Raimnai yarower mkaren ḇeba oso ro boiyaswa ikofen, "Baboine Allah fafisu ḇyedi ḇyuk koreri faro kawasa ḇyesi! Baboine Allah fyasna kwar papoik ḇyedi imnis Wairek! Baboine Wairek Ḇeḇuk koreri sḇeasas kwar ani kako fyasna ḇaḇepapoik ḇyedi kwar! Snar ḇeḇoḇ naek srar koḇesi ro Allah ḇarpon ḇyedi roḇ meser, ḇyeḇesasyarbur boiyaswa kwar.

11Naek srar koḇesi sifrur kafyo i kwar kuker Rumkun Domba rik ḇyena, ma kuker wos ḇenapes ro Allah sifkai ḇairya. Inja ssḇuk kankenem sena isof simar.

12Rarirya ḇekain ro boiyaswa mkoya kam mkoryaḇ kada! Ḇape faro supna ma soren nari mkoroë. Snar Ibiris isabu faro mko kwar kuker masasor ḇeba kaku, snar ifawi fafisu ḇyedi fyanam kwar!"

13Rofafisu korḇen ani ḇyaḇir mboi sisawen i ḇesupna kwar, inja iyom bin ḇeḇeḇeyaḇen romawa snon ani.

14Ḇape ssḇuk faro bin ani kwar mankankan prer ḇeba risuru, insa iroḇ ḇemoḇ ḇyedi ro sup ḇeursḇa, ro moḇ nari sfaduru i wampasi wambarek rikior munya, ḇyinkwanbur korḇen ani.

15Ma korḇen ani kyup war nabor ḇemoḇ bin ani, insa bin ani iki.

16Ḇape supna nafnoḇek bin ani; supna nbas nasḇasna ma noren war ḇesasyar ro korḇen ani sḇadonya na.

17Korḇen ani imsor kaku bin ani, isof rya ḇye embroḇ romawa ḇese ro bin ani, isoine snonkaku kam ḇeḇeuser faro Allah sasoser ḇyena, ma ḇeḇeuser faro Allah wos ḇenapes ḇyena, Yesus fyasna kwarna. (12-18) Raimnai korḇen ani dores ro swan andir.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Wahyu 12 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel