Alkitab Mobile SABDA
[VER] : [BIAK]     [PL]  [PB] 
 <<  Wahyu 8 >> 

1Rofafisu Rumkun Domba ani ḇyas kakop ḇeḇefikya, boiyaswa ḇyeusḇa isof indokada oras muno.

2Raimnai yamam malaikat rifik sores ro Allah ḇarpon ḇyedi, ma ssḇuk kḇur rifik faro si.

3Malaikat oso ḇese, dun ben brawen ḇeser farsarser ḇekun, ḇo ryama dores ro ḇarpon meja farsarser. Ssḇuk faroi kwar ben brawen ḇeser mamboḇo nabor kaku insa ḇyuk nfarser fnoḇek Allah kawasa ḇyesi nadi sena kam ro rokef brawen farsarser ani ro ḇarpon karapesa ḇaḇesasoserya.

4Mamboḇo paw ma Allah kawasa ḇyesi nadi sena, nek ro malaikat ḇeyores ani ḇramin ḇyedi ro ḇarpon Allah.

5Ḇarpurya malaikat ani dun ben brawen ḇeser farsarser ḇekun ani ma iseri kuker for ro rokef farsarser, posa isawen na ḇesupna. Ma karadu nḇeruru ma arḇeḇer ma rim.

6Posa kwar, malaikat rifik ḇeyuf kḇur rifik ansi sfasos fasiḇe siwuf.

7Malaikat ḇeponya iwuf kḇur ḇyedi, ma mekem karui ma for irḇaren rik nasapi ḇesupna. Ma mun rikior ro supna nananem ranaḇro; rarirya kako mun rikior ro ai knam ma aḇrisna.

8Raimnai malaikat ḇeḇesuruya iwuf kḇur ḇyedi, ma roi oso imnis bon ḇeba isber, ḇyeḇesawen ḇesoren. Ma mun rikior ro soren fyarwe ḇerik,

9ma mun rikior ro roi ḇekenem ḇeḇor ro soren simar; rarirya kako mun rikior ro jawasina namsawer.

10Raimnai malaikat ḇeḇekiorya iwuf kḇur ḇyedi, ma kum ḇeba oso, isber imnis paramrom, isapi ro nanki, ma myun munrikior ro warna ma war sunna.

11(Kum ani snonsnon ḇyedi "Apsintus" = "Sarmar".) Ma mun rikior ro warna nsarmar, ma snonkaku sibor simar snar sinem war ḇesarmar anna.

12Raimnai malaikat ḇeḇefiakya iwuf kḇur ḇyedi. Ma mun rikior ro ori, mun rikior ro paiki, ma mun rikior ro kumsya seḇeprer isof mun rikior ro sambraḇ sena napromes. Ma mun rikior ro meserya pyampan ma rarirya kako mun rikior ro roḇya.

13Raimnai yamam, ma yarower mankankan oso iroḇ ro sansoren ḇoka ḇo kyaru, "Raro! Raro! Rarokada faro snonkaku kam ro supna, nari rofafisu mkorower malaikat rikior ḇese ansko skowuf kḇur skoḇesi!"



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Wahyu 8 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel