Alkitab Mobile SABDA
[VER] : [KARO]     [PL]  [PB] 
 <<  Kidung Agung 7 >> 

1[Dilaki] Impalku, seh kal kam mberuna, perdalanndu seh kal jilena tupung kam erselop. Percengkung pahandu desken sada perhiasen, bekas bahenen sekalak tukang si beluh.

2Pusungndu desken mangkuk si mejile, katawari pe dem alu anggur si icampur ras rempah-rempah. Awakndu bali ras sada raden ikeleweti bunga-bunga encole.

3Polandu bali ras dua belkih, bali ras balua si rindu dua.

4Kerahungndu desken menara gading, matandu desken telagah i kota Hesbon, deherken pintu gerbang kota si mbelin e. Igungndu mejile seri ras menara i Libanon, si pajek engkawali kota Damaskus.

5Takalndu meganjang desken uruk Karmel bukndu si idandan erndilap desken sutra alus. Perban jilena raja pe leket matana ngenenca.

6Mejile kal kam, seh kal mberuna kam si ikelengi i bas kerina si ate ngena.

7Potongen dagingndu desken batang kurma polandu seri ras tandan buah kurma.

8Kunangkihi ateku batang kurma e, jenari kuputikken ateku tandanna. Polandu desken sengkerangke buah anggur kesahndu merim bagi bau buah apel,

9biberndu entebu desken buah anggur! [Diberu] Maler min man impalku lau anggur, maler ku bas biber ras ipenna.

10Impalku kap si empuna aku, aku kapen sura-surana.

11Ota impal, lawes kita ku mbalmbal, jenari erberngi kita i tengah rudang-rudang.

12Lampas kita medak, gelah sinehen batang anggurta ntah mawen nggo reh tunasna, ntah mawen nggo terlak bungana, ntah mawen batang galiman nggo erbunga. I je kubereken keleng ateku man bandu impalku.

13Kayu si merim uratna, buah si entebu nanamna lit deherken pintunta. O impal nggo kusikapken man bandu, subuk si nggo ndekah bage pe si mbaru denga iputikken.


  Share Facebook  |  Share Twitter

 <<  Kidung Agung 7 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2023
Alkitab.SABDA.org

Android.SABDA.org
SABDA.mobi
Bantuan
Dual Panel Dual Panel

Laporan Masalah/Saran