Alkitab Mobile SABDA
[VER] : [KARO]     [PL]  [PB] 
 <<  Mazmur 140 >> 

Pertoton mindo pengkawali

1Masmur Daud.

2O TUHAN, pulahi min aku i bas kalak jahat nari, kelini min aku idur kalak si la lit i bassa perkuah ate.

3Katawari pe si jahat irencanakenna lalap atena peturah perubaten.

4Dilahna desken nipe so erbisa, ranana bali ras bisa nipe upar.

5O TUHAN, kawali min aku i bas kuasa kalak si des ate, jagai min aku i bas kalak si jahat nari, si atena ncilakaken aku.

6Kalak megombang erbuni-buni nidingi aku, itogengna santo guna njerat aku. Gedang-gedang dalan itogengina siding, atena nangkap aku.

7Kukataken man TUHAN, "Kam kap Dibatangku." Dengkehkenlah pertotonku mindo penampat, o TUHAN.

8O TUHAN Dibatangku, Kam kap penampatku si megegeh, nggo IkawaliNdu aku i bas perang.

9O TUHAN, ula bereken seh sura-sura kalak jahat, ula bahan seh sura-surana.

10Ula bere kemenangen man imbang-imbangku, sumpahna man bangku ndabuhlah man bana mulihken.

11Bahanlah maka rara api ndabuh ku ia, jenari iambekken ia ku bas lubang si mbages gelah lanai banci ndarat.

12Kalak si mahan-mahani salah kalak, ula pediat ringan i bas negeri enda, kutundukken kalak jahat alu cilaka, janah benelah ia.

13O TUHAN, kueteh maka Kam kap pembela kalak si musil-musil, janah kalak si itindas IbelaNdu. <140:14> - Kalak benar ipujina Kam, enggeluh ia i bas adep-AdepenNdu.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Mazmur 140 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel