Alkitab Mobile SABDA
[VER] : [SIMALUNGUN]     [PL]  [PB] 
 <<  Keluaran 11 >> 

Lumba-lumba Pasal Uhum na Pasapuluhkon

1Dob ai nini Jahowa ma dompak si Musa, “Sada nari ope parohon-Ku uhum hubani Parao pakon hu Masir, dob ai palopasonni ma hanima laho hunjon; sanggah na pinalopasni ai hanima laho, juljulonni do hanima hunjon.

2Hatahon hanima ma hu pinggol ni bangsa in, ase ganup dalahi pakon naboru mangindo humbani huan-kuanni ugas pirak pakon ugas omas.”

3Domma iojur Jahowa hinan, ase maidop uhur ni halak Masir bani bangsa ai. Si Musa pe halak na sangap tumang do i tanoh Masir ididah juakjuak ni Parao pakon ididah bangsa ai.

4Dob ai nini si Musa ma, “Sonon do hata ni Jahowa, ʻHira-hira tongah borngin bontason-Ku ma tongah-tongah ni Masir.

5Jadi matei ma ganup bunga tubuh i tanoh Masir, humbani bunga tubuh ni Parao, na hundul i paratasni, das hubani bunga tubuh ni jabolon naboru, na i pudi ni pandudaan pakon ganup bunga tubuh ni pinahan.ʼ”

6Jadi masa ma doruh banggal i sab tanoh Masir, na so ongga masa sonai, anjaha seng anjai masa be sonai.

7Tapi anggo bani haganup halak Israel seng mahua baliang, age sada, sonai jolma pakon pinahan, ase itanda ho naha parpalegan ni Jahowa bani halak Israel humbani halak Masir.

8Anjaha tuad ma ganup juakjuakmu marayak ahu, sombahon ni sidea ma ahu, hatahonon ni sidea ma, “Luar ma ham pakon ganup bangsa in na mangirikkon ham.” Dob salpu sonai luar ma ahu. Dob ai luar ma ia hun lobei ni Parao manringis tumang.

9Dob ai nini Jahowa ma dompak si Musa, “Seng anjai tangihonon ni Parao hanima, ase lambin buei halongangan sibahenon-Ku i tanoh Masir.”

10Domma ibahen si Musa pakon si Aron ganup halongangan ai i lobei ni Parao; tapi ipahengkeng Jahowa do uhur ni Parao, gabe seng ilopas halak Israel laho hun tanohni.


  Share Facebook  |  Share Twitter

 <<  Keluaran 11 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2020
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran