Alkitab Mobile SABDA
[VER] : [SIMALUNGUN]     [PL]  [PB] 
 <<  Mazmur 135 >> 

Puji-pujian bani Jahowa na Banggal in, Siatasi Sagala Naibata-naibata

1Haleluya! Puji ma goran ni Jahowa, puji ma, ale juakjuak ni Jahowa,

2nasiam na jongjong i rumah ni Jahowa, i alaman ni rumah ni Naibata.

3Puji nasiam ma Jahowa, ai pardear layak do Jahowa; dodingkon nasiam ma goran-Ni, ai jenges do in.

4Ai Jakob do ipilih Jahowa Bani, sonai Israel bahen parbagianan-Ni.

5Tongon hubotoh do: Banggal do Jahowa: Tuhannami, iatasi do sagala naibata-naibata.

6Sagala na hinarosuhkon ni Jahowa, ipasaud do i langit pakon i tanoh on, ibagas laut pakon ibagas ianan na bagas-bagas:

7Ipanaik do hombun humbani ujung ni tanoh on, ibahen do hilap bani udan, ipadarat logou humbani kamar-Ni;

8ibogbog do bunga tubuh ni Masir, jolma sonai age pinahan;

9itongos do tanda pakon halongangan hu tongah-tongah ni Masir, laho mangimbang Parao pakon sagala juakjuakni;

10ibogbog do buei bangsa-bangsa, anjaha ibunuh raja-raja na markuasa;

11ai ma si Sihon, raja ni halak Amori, si Og, raja ni Basan, ampa haganup Raja Kanaan;

12ibere do tanoh ni sidea bahen parbagianan, parbagianan ni halak Israel bangsa-Ni in.

13Ham Jahowa, ronsi sadokah ni dokahni do goran-Mu! Ham Jahowa, marsundut-sundut do pardingatan Bamu.

14Tongon, ipintori Jahowa do bangsa-Ni, marulak-ulakan do uhur-Ni dompak juakjuak-Ni.

15Sisombahon ni parbegu ai ma pirak pakon omas, jadi-jadian ni tangan ni jolma.

16Dong do babahni, tapi seng boi marsahap, dong do matani, tapi seng marpangidah;

17dong do pinggolni, tapi seng marpanangar, tongon, seng dong hosah ibagas babahni.

18Sai songon sidea ma halak na paulihonsi, sagala halak na martenger ni uhur hujai.

19Ale rumah ni Israel, puji ma Jahowa! Ale rumah ni si Aron, puji ma Jahowa!

20Ale rumah ni si Lepi, puji ma Jahowa! Ale sihabiari Jahowa, puji ma Jahowa.

21Tarpuji ma Jahowa hun Sion, Ia na marianan i Jerusalem! Haleluya!


  Share Facebook  |  Share Twitter

 <<  Mazmur 135 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran