Alkitab Mobile SABDA
[VER] : [BIAK]     [PL]  [PB] 
 <<  Titus 1 >> 

1Ro Paulus, Allah manfamyan ḇyedi ma Yesus Kristus manwawan ḇyedi faḇefaduru Allah snonkaku kyinfir kwarsya kakyar sena ma fawawi ro napnapesya ḇeḇair ro ḇaḇeari koḇena,

2ma ḇyeknam ro saneraro ḇekaku ḇekain fyoro rofyor awarya ḇaim Allah ḇyeasas i kwar ma Allah ipok isrer ḇa,

3ma rofyor Allah imarisen, fyasna kwar ro wos ḇyedi ro ḇaryas Ankankinem Ḇeḇye ikyar kwar maro aya imnis Allah sasoser ḇyedi, Ḇeḇuk korerima ḇeko.

4Faro Titus, romawa karyer yedi ro kakyar koḇena kam: Allah Kmaya ma Yesus Kristus, saswar-fakamaman ma aski-ḇaḇye ḇyedi ryous aw kada.

5Yaḇur aw kwar ro Kreta kuker swaruser ine, insa wafrur rosai ḇeḇefandun ma insa wakanaw penetua-penetua ro mnuna imnis raris moḇ yanun kwar faro aw,

6isoine snonkaku ḇefarorewḇa, ḇena swa oser monda, kina ḇyena sikenem kuker kakyar faro Kristus ma sisma safsof awer ro kankenem ḇeḇyeḇa mboi sikenem kuker aunos.

7Snar ḇefararur ro Allah rum ḇyedi snonkaku ḇefarorewḇa, ḇemarares ḇa, ḇemasasor ḇa, ḇemasaser ḇa, mkaba pipiḇa,

8mboi ḇemarisen ḇeḇuk moḇ ḇeḇeryar, ḇemarisen roi ḇeḇye, ḇefawi nanem, ḇenapes, ḇekenem nasren, ḇemkuser mankundi

9ma ḇeserepen wos ḇenapes ḇemnis kuker farkarkor ḇeḇye, insa ifawi ḇyuk farkarkor faro snonkaku ro knam farkarkor anna ma ḇyenamu faḇyuk snekin faro ḇesampumisya.

10Snar snonkaku sibor kwar sikenem kuker aunos ḇa, isyadi rofandu snonkaku ḇeso sasoser sofakfukya. Kuker wos ḇeḇefromo ma sfarkor ninyan snonkaku.

11Snonkaku ḇerariryasya sḇadon sena neḇesisen kada, snar sfarkor ninyan kina sibor kuker farkarkor ḇemnis ḇa fasisma fainda ḇefrur mamyai.

12Nabi oso ro siḇardi, ḇekain ro Kreta ikofen kako: "Kretasya indo sankarkar, sḇeaiwan ḇeḇarḇor, ḇeyanburamek ma ḇemanon."

13Nabi ani wos ḇyedi kyaku. Inja wasonek pakrek kaku si insa sikyar faro Allah kuker nyan ḇenapes,

14ma sikyar kaker awer farfyar kakais Yahudi ma sasoser-sasoser snonkaku ḇesasyarbur ḇaḇenapnapesya.

15Faro ḇesrensya roi ḇeḇor nakam nasren; ḇape faro ḇearwaremsya ma ḇekyar ḇasya osoḇaḇeri faisren, snar kakara ma swaruser sena nmamas.

16Skarem soḇo sifawi Allah, ḇape ro fararur sena sfamyun Allah. Sikada snonkaku befrur roi ḇemnis oso ḇaḇeri.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Titus 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel