1Harun mappunnai eppa ama’ worowané: Nadab, Abihu, Eléazar sibawa Itamar. Nadab sibawa Abihu matéi lebbi riyolo naiya ambo’na temmappunnai ana’. Rimakkuwannanaro Eléazar sibawa Itamar, silessurenna mennang mancaji imang. Nabagéi Daud wija-wijanna Harun ri laleng kalompo-kalompo situru jamanna. Ri laleng pakkalompo’i ribantui Daud ri Zadok wijanna Eléazar sibawa Ahimélékh wija-wijanna Itamar.
2(24:1)
3(24:1)
4Wija-wijanna Itamar ribagéi mancaji aruwa kalompo, na wija-wijanna Eléazar mancaji seppulo enneng kalompo, saba’ ri laleng wija-wijanna Eléazar engka maéga senna worowané kapala kaluwarga.
5Nasaba muwi ri laleng wija-wijanna Eléazar iyaré’ga ri laleng wija-wijanna Itamar engka pajaba-pajaba Bolana PUWANGNGE sibawa pamimping-pamimping agama, attawang jamangngé ripogau’i sibawa lotteréiwi.
6Wija-wijanna Eléazar sibawa wija-wijanna Itamar sisullé gettengngi loteréié, nainappa riyoki aseng-ngasenna riséddié juru tulisi iya riyasengngé Sémaya ana’na Nataneel tau Léwi. Iya manennaro napogau’i riyolona arungngé silaong pegawé-pegawénna, Imang Zadok, Ahimélékh ana’ Abyatar enrengngé kapala-kapala kaluwarga golongang imangngé sibawa kapala-kapala kaluwarga golongang Léwié.
7Iyanaé nomoro atturu-turuseng léléng jamanna iya rilolongengngé polé ri loteréié untu’ iya duwappulo eppa kalompo’éro: 1. ~~ Yoyarib ~~ 13. Hupa; 2. ~~ Yédaya ~~ 14. Yésébéab; 3. ~~ Harim ~~ 15. Bilga; 4. ~~ Séorim ~~ 16. Imer; 5. ~~ Malkia ~~ 17. Hézir; 6. ~~ Miyamin ~~ 18. Hapizes; 7. ~~ Hakos ~~ 19. Pétahya; 8. ~~ Abia ~~ 20. Yéhézkiél; 9. ~~ Yésua ~~ 21. Yakhin; 10. ~~ Sékhanya ~~ 22. Gamul; 11. ~~ Elyasib ~~ 23. Delaya; 12. ~~ Yakim ~~ 24. Maazya;
8(24:7)
9(24:7)
10(24:7)
11(24:7)
12(24:7)
13(24:7)
14(24:7)
15(24:7)
16(24:7)
17(24:7)
18(24:7)
19Asenna sining tauwéro riyokii situru lélénna mennang untu’ muttamakiwi Bolana PUWANGNGE sibawa pogau’i jamang assompangngé iya puraé napattentu Harun, toriyolona, situru sibawa paréntana PUWANGNGE, Allataalana Israélié.
20Rilainnaéro ri laleng wija-wijanna Léwi muttama mupi kapala-kapala kaluwarga mangoloéwé: Yéhdéya, wija-wijanna Amram polé ri jori wija-wijanna Subaél; Yisia, wija-wijanna Réhabia; Yahat, wija-wijanna Yishar polé ri jori wija-wijanna Sélomot; Yéria, Amarya, Yahaziél sibawa Yékaméam ana’-ana’na Hébron situru atturuseng umuru’na; Samir, wija-wijanna Uziél polé ri jori wija-wijanna Mikha; Zakharia, wija-wijanna Uziél polé ri jori wija-wijanna Yisia silessurenna Mikha; Mahli, Musi sibawa Yaazia, wija-wijanna Mérari.
21(24:20)
22(24:20)
23(24:20)
24(24:20)
25(24:20)
26(24:20)
27Yaazia mappunnai tellu ana’ worowané: Syoham, Zakur sibawa Hibri.
28Mahli mappunnai duwa ana’ worowané riyaseng Eléazar sibawa Kish. Eléazar dé’ nappunnai ana’ worowané, iyakiya Kish mappunnai séddi ana’ worowané riyaseng Yérahmeel.
29(24:28)
30Ana’ worowanéna Musi engka tellu tau: Mahli, Eder sibawa Yérimot. Iyanaro kaluwarga-kaluwargaé ri laleng suku Léwi.
31Untu’ léléng jamanna mennang, tungke kapala kaluwarga silaong séddi anrinna iya worowané gettengngi loteréié pada-pada iya napogau’é sumpulolona mennang, iyanaritu sining imang wija-wijanna Harun. Iyaro aggettengeng lotteréié nasabbingngi Arung Daud silaong Zadok, Ahimélékh enrengngé kapala-kapala kaluwarga polé ri golongang imang-ngimangngé sibawa polé ri golongang tau Léwié.