Alkitab Mobile SABDA
[VER] : [SIMALUNGUN]     [PL]  [PB] 
 <<  Amsal 29 >> 

(Sambatni)

1Halak na gati hona paingat, hape tong ipahengkeng uhurni, sompong do holi maripuk ai, seng hatambaran.

2Anggo halak parpintor siparkuasa, marolob-olob ma rayat; tapi anggo halak parjahat manrajai, mangorong ma halak.

3Halak na mangkaholongi hapentaran, pamalas uhur ni bapani, tapi halak na marsaor ampa boru jalang, mambois-boiskon sinari do.

4Marhiteihon habonaron do tarpatotap raja sada nagori, tapi na paporsankon balasting maparahtu, ai do na parsedahon.

5Halak na mamuji-muji hasomanni, na manaon jarot do ia ai i lobei ni naheini.

6Marhitei hajahatonni do halak parjahat hona siding, tapi anggo halak parpintor marolob-olob anjaha marmalas ni uhur do.

7Iparuhurhon halak parpintor do hak ni halak na masombuh, tapi anggo halak parjahat seng ipardulihon ai.

8Halak sipanrisai mambahen geor huta, tapi mandaoh do ringis ibahen halak siparuhur.

9Anggo marparkara halak na pentar ampa halak na oto, manggila anjaha tartawai do halak na oto ai, seng lalab marhadoban.

10Halak siuseihon daroh magigi do ia bani halak na daulat, tapi halak parpintor mangindahi dalan pagoluhkonsi.

11Halak na oto ipapuas do ganup ringisni, tapi anggo halak na maruhur itahan do ai.

12Anggo ra sipanrajai manangihon hata ladung, haganup gamot-gamotni gabe jahat ma.

13Saor do halak na masombuh ampa sipangodoh-odoh, tapi Jahowa do sibere haliharon bani mata ni sidea bei.

14Raja na manguhumi halak na masombuh ibagas hasintongan, totap do paratasni lalab.

15Hotang ampa pangajaran do parohkon hapentaran, tapi dakdanak na tinurutan parohkon habadoron bani inangni.

16Anggo martambah halak parjahat, lambin buei ma hajahaton; tapi idahon ni halak parpintor do pardabuh ni sidea.

17Ajar ma anakmu, jadi sonang ma ho bahenonni, anjaha ibere sipamalas uhur.

18Anggo seng dong pangungkabon, geor do bangsa; martuah do halak na mandalankon titah ni Naibata.

19Marhitei hata tumang seng tarajari jabolon, age pe ibotoh, seng idalankon.

20Anggo ididah ho halak na hertep marsahap, bueinan ope pangarapan bani halak na bodoh ase bani.

21Halak na maunjahtu bani jabolonni humbani haetek-etekkonni nari, dobni manlawan do ai.

22Halak pargila-gila patubuh paringoran, anjaha halak parringis mangkorjahon buei dousa.

23Gijang ni uhurni do patoruh halak, tapi halak sitoruh uhur dapotan hasangapon do.

24Halak na saparbagianan pakon panangko, parseda dirini do, itangar do namin sipamurai, tapi ipasip-sip do.

25Biar dompak jolma mambahen hona siding, tapi hona ondingan do na martenger ni uhur bani Jahowa.

26Buei do halak na mambuat-buat uhur ni sipanrajai, tapi Jahowa do na mamintori ganup halak.

27Hagigi do halak pargeduk bani halak parpintor, tapi halak na pintor parlahouni, hagigi do ai bani halak parjahat.


  Share Facebook  |  Share Twitter

 <<  Amsal 29 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel